USA-p sinerissamik nakkutilliisui: Inuit tallimat aqqartartup naqitsineqarnerujussuani qaarmat ajunaarsimassangatippagut

Aqqartartup maqaasineqartup "Titan"-ip aquata ilaa umiiarnikullu sinnerisa sisamat ilaat, aqqartartuaqqamit ungasianit aqunneqarsinnaasumit nassaarineqarput.

Aqqartartup naqitsineqarnerujussuanit qaarsimaneranut takussutissaqartoq oqaatigineqarpoq.

Sakkutuut imarsiortut naalagaasa ilaat USA-p sinerissamik nakkutilliisuineersoq ujaasisunullu aqutsisoq, John Mauger, taama ilisimatitsivoq.

- Aqqartartup immap naqitsinerujussuanit qaarsimanissaa umiiarnikup aseqqukuisa takutippaat, Mauger tusagassiortunik Bostonimi katersortitsinermi sisamanngornermi oqarpoq.

Aqqartartoq qanga qaarsimanersoq sukumiinerusumik oqaaseqarfigisinnaanngilaa.

Aqqartartoq pineqartoq umiarsuup Atlantikup avannaani 1912-imi umiiartup "Titanic"-ip nalaani ulluni kingullerni sisamani periarfeerunneqarpoq.

Aqqartartoq tallimanik inuttaqarluni umiarsuarmut umiiarnikumut "Titanic"-imut sapaatiummat ullaakkut aqqarpoq.

Aqqartartoq "Titanic"-imiit 500 meterinik ungasitsigisumi nassaarineqartoq, Mauger tusagassiortunik katersortitsinermi oqarpoq.