Aamma, aamma, aamma: Inuit pingasut ikiaroornartumik eqqusseriaraluartut
Tallimanngormat ikiaroornartumik eqqusseriarsimasutut pasineqarluni tigusaasoq, eqqartuussivimmut sassartussanngortinneqarpoq.
Politiini pigaartut pisortaat Jørgen Madsen paasissutissiivoq.
Tallimanngornerup ualigaa Nuummi mittarfimmi inuit pingasut ikiaroornartumik iisisimallutik eqqusseriaraluartut tigusarineqarput.
Danmarkimiit nunatsinnukartillutik Kangerlussuarmiit Nuummukarput.
Inuit taakku pingasut qanoq annertutigisumik eqqusseriarsimanersut suliaq suli ingerlammat Kalaallit Nunaanni Politiit annertunerusumik paasissutissiisinnaanngillat.
Inuit marluk iperangaapput, pingajuatali ikiaroornartumik suli timaaniittoqarmat tigummingallarneqarluni.
Naatsorsueqqissaartarfik naapertolugu siorna 2022-mi Kalaallit Nunaanni Politiit ikiaroornartoq pillugu inatsimmik unioqqutitsinernut
atatillugu 584-inik siorna nalunaarsuipput – hashilu 129,68 kiilu arsaarinnissutigineqarluni.
