Inuit Labradorimiittut utoqqatserfigineqarnissaat piareersarneqarpoq

Naggueqatigiit inuit Labradorimiittut utoqqatserfigineqarlutillu taarsiiffigineqarnissaat pisussanngorunarpoq.

Akilinermi naggueqativut 1900-kkunni kostskoleni ajorluinnartumik pineqartarsimanerminnut tamarmik immikkut utoqqatserfigineqarlutillu taarsiiffigineqarsimapput, naggueqativulli Labradorimiittut taamatut pineqanngillat.

Eqqunngitsumik pineqartarsimanermik misissuiffigineqarnissaanik Canadami naalakkersuisunut arlaleriaqalutik qinnuteqaateqartarsimagaluarput, Canadamili naalakkersuisut kostskolenut taakkununnga akisussaasuunatik maannamut oqaatigisarsimavaat. Labradorimi kostskolet qitiusumit aqunneqaratik nunap immikkoortuani naalakkersuisunit aqunneqarsimapput.

Canadalli inatsisinik atortitsinermut ministerertaavata Wilson-Raybouldip indianeriusup, aviisimut Globe and Mailimut oqaatigaa pineqartoq pingaartillugu misissuiffigineqassasoq, naalakkersuisunngortut nunap inoqqaavinut nutaanik pitsaanerusunillu attaveqalernissaat naalakkersuisut neriorsuutigisimammassuk. Naallu neriorsuisinnaanngikkaluartoq atuartuusimasunut sinneruttunut 30-t missaanniittunut neriuuteqalersitsivoq.

Atuartuusimasut amerlanersaat maanna qanganngoreerput, kostskolenili qanga atuartuusimasut 1000-it 2000-illu missaanniissimapput

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat