Qaqortoq: Inuit ikinnerusut ullup qeqqanut taasisut
Qaqortumi katersortarfik marlunngornermi ullaap tungaani inunnik ulikkaarpoq. Qinersisulli 2014-imut sanilliullugit ikinnerupput.
Sila pitsaavallaanngikkaluartoq inuit qinersiartukaasut, Jørgen Semionsenip, Qaqortumi qinersivik ammarneqarmat najuuttup, oqaatigaa.
- Qinersivik ammarneqarmat inuppaaluit najuupput, qinigassanngortittut partiillu siulersuisui takussaasorujussuullutik. Partiit katersortarfiup silataani containerini kaffillerlutillu kaagillerput, Jørgen Seminonsen oqarpoq.
AAMMA ATUARUK Qinersivik ammarluarneqarpoq
Naak qinersiartortut amerlagaluaqisut 2014-imut sanilliullugu ikinnerulaartut, Qaqortumi taasinermi aqutsisup Peter Petersenip oqaatigaa.
- 497-it ullup qeqqanut qinersiartorsimapput. Tassa 21,99 procentii taasereersimallutik. 2014-imut sanilliukkaanni taasisut 2,87 procentinik appariarput, Peter Petersen oqarpoq.
AAMMA ATUARUK Qaanaami qinersivik eqqissisimanerusumik aallartittoq
Qaqortullu eqqaani sikorsuaqarnera pissutaasinnaasoraa:
- Immaqa Tasilummiit sikorsuaqarnera pissutigalugu maangakaanngitsoorsimasinnaapput, Peter Petersen oqarpoq.
