Inuit Ataqatigiit naalakkersuisuutitaqartunit taperserneqanngitsut
Siumup Nunatta Qitornaasalu maanna siunnersuutaareersoq aalajangiusimavaat, Atassutillu Qaqortumi mittarfissamut misissueqqinnissamut isumaqataanngilaq.
- Sanaartugassat taakku mittarfeqarfinnut tunngatillugu suliat ingerlanneqareersut aallaavigalugit siunertagut allannguuteqanngillat, Siumup politikkikkut oqaaseqartartua, Karl-Kristian Kruse oqarpoq.
AAMMA ATUARUK Mittarfissat pillugit IA saqqummiussisussanngortoq
AAMMA ATUARUK IA-p mittarfiit pillugit pilersaarutai Kiistap toqqissisimanartinngikkai
Aamma Nunatta Qitornaasa siulittaasuat Vittus Qujaukitsoq isumaqarpoq.
- Inatsisartut sinaakkusiillugit isumaqatigiissutaannik toqqammaveqarluni suliap uuma ingerlanneqareersimasup allanngortiternissaa massakkut piffissaasorinngilarput, Vittus Qujaukitsoq taama oqarpoq.
Inuit Ataqatigiit mittarfissat pillugit siunnersuutaat Atassutip siulersuisuunerisa suli oqaluuserinngikkaat, partiip siulittaasuata Siverth K. Heilmannip oqaatigaa.
Inuit Ataqatigiilli Qaqortumi mittarfissap misissuiffigineqaqqinnissaa pillugu kissaateqarnerannut isumaqataanatik maanna oqaatigisinnaareeritsik Siverth K. Heilmann oqarpoq.
AAMMA ATUARUK Inuussutissarsiutinut aningaasaliineq iluatsitsilluartitsissasoq
- Siusinnerusukkut ukiorpassuanngortuni kissaatigineqarpoq Qaqortumi mittarfittaartoqartariaqartoq. Taanna kinguartitsiniarnerat misissueqqitsitsiniarnerallu tunngaviatigut Atassumminngaanniit oqaatigereersinnaavarput isumaqatigisinnaanagu, Siverth K. Heilmann oqarpoq.
Inuit Ataqatigiit Qaqortumi pilersaarutigineqartutut mittarfissap tikikkuminassusissaatut naatsorsorneqartoq naammaginagu nutaamik misissuisoqarnissaa kissaatigaat.
