Mittarfissat pillugit IA saqqummiussisussanngortoq

Inuit Ataqatigiit Katuap ataatsimiittarfiani tusagassiortunik ullumi nal. 11.00-mut katersuutitsiniarpoq, aggersaanermut atatillugu Inuit Ataqatigiit mittarfinnut pilersaarutaat saqqummiunneqassaaq. Inuit Ataqatigiit taama nalunaaruteqarput.
Allattoq Merete Lindstrøm, Bikki P. Kleist
septembarip 13-at 2018 06:51

Patajaatsumik politikkikkut ingerlatsinissaq kinguarsarneqarsinnaanngitsoq, Múte Bourup Egede tusagassiuutitigut aamma nalunaaruteqarpoq. 

Politikkikkut pisut aalassassutaasut inuiaqatigiinnut sunniuteqarnerlupput toqqissisimanaratillu.

- Inatsisartut ukiaanerani ataatsimiinnissaat ullut 15-iinnaat qaangiuppata aallartissaaq Naalakkersuisullu siulittaasuat aatsaat ataatsimiinnissaq sapaatip akunneriinnanngorpat isumaqatiginninniarnissamut qaaqqusilluni, Múte Bourup Egede oqarpoq nangillunilu:

-Taassuma tungaanut politikkikkut sulineq uninngavoq, ullunimi makkunani Naalakkersuisut oqaluukkaanni oqaluutinngikkaannilu assigaa, ilisimavarpummi qinersiliivinngikkutta nutaanik ungasinngitsukkut naalakkersuisortaartussaalluta.

Piffissanngorpoq Nunatsinni politikkikkut patajaatsumik ingerlatsisoqalernissaa,  Inuit Ataqatigiinni gruppeformandi, Múte Bourup Egede taama nalunaaruteqarpoq.


 
 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk