Inuit 100-nit ikinnerunngitsut Chilemi orpippassuit ikuallanneranni ajunaartut
Inuit 112-t Chilemi orpippassuit ikuallanneranni ajunaarsimapput.
Chilep nunamut namminermut ministereqarfiani atorfilittat taama ilisimatitsipput.
Nakorsaq toqusunik misissuisartoq oqarpoq ajunaarsimasut 112-iuusut taakkunanngalu 32-t kinaassusersineqarsinnaasimasut.
Chilemi sumiiffinni 40-ni orpippassuit suli ikuallattut atorfilittap oqaatigaa. Angerlarsimaffiit 3000-t 6000-llu akornanniittut aseruatitersimapput.
Chilemi nuna 2010-mi sajullunilu tassaarsuaqarmalli aatsaat taama sakkortutigisumik pisoqarpoq.
Innuttaasut ilaat 24-nik ukiulik, Abraham Mardones, illuminit tallimanngormat qimaasariaqarsimavoq, illua tassani ikuallalermat.
- Illutta eqqaani qaqqajunnami ikuallalersoq takuarput. Kingornalu illu aamma ikuallalerluni. Minutsit qulit ingerlaneranni taama pisoqarpoq, akkanilu qimaasariaqarsimasoq Mardones oqarpoq.
Taanna illumi sinnikui arfininngornermi takuniarpai. Sanilerisami ilaata toqungasup timaa tassani siumorsimallugu oqaatigaa.
Chilemi orpippassuit ikuallanneranni ajunaarsimasutut nalunaarsorneqartut amerlinissaat ilimagineqarpoq.