Inuiaat marlunngornermi pingasunngornermi akerliussutsimik takutitsisoqassaaq
Nunatsinni uranimik piiasoqalernissaanik inuiaat akuersaannginnerat takutinniarlugu akerliusut, aalajangiisoqannginnerani innuttaasunik taasititsisoqarnissaanik piumasaqaateqartut, innuttaasut illoqarfinni nunaqarfinnilu najugarisaminni pisortat illuutaasa silataanni akerliussutsimik takutitsinissaannik kajumissaaruteqarput.
-Akerliussutsimik takutitsinissaq uranimut akuersaanngilluinnarnerup atorunnaarsinneqarnissaa pillugu tunngaviusumik aalajangiiniarnermut tunngatillugu apeqqummi innuttaasut tusaaneqarusunnerisa Naalakkersuisunut takutinneqarnissaa siunertarineqarpoq. Tassunga atatillugu Facebookimi quppernilikorpugut taallugu "Folkeafstemning om ophævelse af nul-tolerance Nu" (Akuersaanngilluinnarnerup atorunnaarsinneqarnissaa pillugu innuttaasunik taasititsisoqarli massakkut). Tassuuna kalaaleqativut uagut isummatsinnik paasikkusuppagut, akerliussutsimik takutitsinissamik aaqqqissueqataasut ilaat, Nikoline Ziemer oqarpoq. Facebookimi quppernerat marlunngornerup ullaavani 535-init isumataaffigineqarsimavoq.
Aaqqissuisuit innuttaasunik taasititsinissamik tapersersuisut kajumissaarpaat pisortat illuutaasa silataannut marlunngornermi pingasunngornermilu nal., 16.30-p 17.00-illu akornanni orniguteqqullugit. Uranimut akuersaanngilluinnarnerup atorunnaarsinneqarnissaa pillugu Inatsisartut sisamanngorpat aalajangiisussaapput.