Iluliarujussuup taassuma annertoqatipajaanik Innaarsuit eqqaanni ukiut marluk matuma siorna aamma ikkarlittoqarpoq – taamaammat inuit taamanikkut iluliarujussuaq aseroraluarpat tassaarsuaqaratarsinnaanera ernummatigilerpaat.Assi: Ari G. Mørch

Innaarsunni iluliarujussuaq tissukaatitittoq

Iluliarujussuaq Innaarsuit avannaatungaanni 100 meterisut ungasitsigisumi ippassaq ippoq. Taannali Innaarsunniit 250 meterit missaattut ungasitsigisumut maanna tissukaatitippoq.

Iluliarujussuaq taanna 250x180 meterit missaattut annertutigisoq Upernaviup avannaani ullualunni Innaarsuit eqqaanniippoq. 

Innaarsuit avannaatungaanni ippassaq marlunngornermi 100 meteritut ungasitsigisumiippoq – maannalu tissukaatitilereersimalluni. 

Taanna maanna Danmarkip silasiorfia naapertorlugu Innaarsuit avannaata kangianut 250 meterit missaattut ungasitsigisumut tissukaatitippoq. Tamanna qaammataasiamit marlunngornermi assilisani takuneqarsinnaavoq.

Qaammataasiamit assilisaq ESA-meersoq DMI-meersorlu. Iluliarujussuaq Innaarsunniit 250 meteritut ungasitsigisumut marlunngornermi tissukaatitinnerani assilisaavoq.

 

Iluliarujussuup taassuma annertoqatipajaanik Innaarsuit eqqaanni ukiut marluk matuma siorna aamma ikkarlittoqarpoq – taamaammat inuit taamanikkut iluliarujussuaq aseroraluarpat tassaarsuaqaratarsinnaanera ernummatigilerpaat. Innaarsummiut immap eqqannguani najugallit illunut allanut qutsissumiittunut taamanikkut qimagussorput.

Innaarsummiulli tamatumuuna navianartorsiunngillat. Immap killingani najugallit Avannaata Kommuniani upalungaarsimasunit qutsissumukaqquneqanngillat. 

AAMMA ATUARUK Kæmpe isbjerg ligger 100 meter fra Innaarsuit

Iluliarujussuulli ulinnerani anorlerneranilu aamma tissukaatitinnissaa DMI naapertorlugu ilimanarluinnarsimavoq - tamannalumi maanna pivoq. 

2017-imili ajornerujussuarmik pisoqarpoq, Uummannammi eqqaani Nuugaatsiap eqqaani nunap taamanikkut sisoornerata kingunerisaanik tassaarsuaqarpoq.

Inuit sisamat ajunaarput, aqqanillit aqqunartiterput illorpaaluillu avalugussaallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat