Inissiisarfittaassap sanaartornissaanut qaartitsineq siulleq aggustimi pissaaq
![](/sites/default/files/styles/image_934x467/public/article_images/ny_anstalt_3.png?itok=FINeODYz)
Pineqaatissinneqarsimasunut inissiisarfik ilisimaneqareersutut inissinneqartussatut pineqaatissinneqarsimasunut - tassalu piffissami killiligaanngitsumi pineqaatissinneqarsimasunut - matoqqasumik immikkoortortaqassaaq.
Taamaalillunilu kalaallit siunissami piffissami killiligaanngitsumi pineqaatissinneqarlutik Danmarkimi inissinneqartarunnaarnissaat ataasinngornermi aggustip 17-iani pimoorussamik malunnartinniarneqassaaq.
AAMMA ATUARUK Nunatsinni parnaarussivissaq pingasunik immikkoortortaqarfeqassaaq
Kalaallit Nunaanni pineqaatissinneqarsimasunut inissiisarfimmik nutaamik sanaartortoqarnissaa Folketingimi 2009-mi aalajangerneqarpoq. Danmarkimi pinerluuteqarsimasunut inissiisarfimmut Herstedvesterimiiittumut kalaallit inissinneqartussatut pineqaatissinneqartarnerat ukiuni qulikkuutaani oqallisaareersoq taama aalajangiisoqarpoq.
Permagreen A/S-ip sanaartornerup annersaa ingerlatissavaa HJ-Tekip aamma Arssarnerit suliassat VVS-imut innaallagissamullu tunngasut isumagissallugit.
Qaartitsineq siulleq Danmarkimi Nunatsinnilu Pinerluttunik Isumaginnittoqarfimmeersunit, Inatsisinik atuutsitsinermut naalakkersuisumit Mala Høy Kúkomit kiisalu Kommuneqarfik Sermersuup borgmesterianit Asii Chemnitz Narupimit peqataaffigineqassaaq.
AAMMA ATUARUK Atsiornernik katersineq: Inissiisarfittaassaq nuunneqarli
AAMMA ATUARUK Inissiisarfiup inissisimaffissaa pillugu maalaarutit pimoorunneqassapput