Inissiisarfiup inissisimaffissaa pillugu maalaarutit pimoorunneqassapput

Nuummi inissiisarfittaassap inissisimaffissaa oqallisigineqartupilussuusimavoq. Pilersaarutit malillugit isertitsivissap Niaqornannguit nunataani manissumiittussap sumiiffimmi aqqummut ajoqutaassaaq.
Allattoq Peter Troelsen, Simon Uldum
juulip 03-at 2013 11:00

Tamannali Kommuneqarfik Sermersuumit eqqarsaatigineqareersimavoq, inissiisarfiullu nalaani pinngortitami angalasoqaannarnissaa qulakkeerniarlugu aqqutip allanngortinneqarnissaa neriorsuutigineqarpoq.

Aqqutissaq nutaaq suliniaqatigiiffiit assigiinngitsut sumiiffimmut soqutigisallit oqaloqatiginerisigut inissinneqassaaq, ernumanerillu tusagassiutitigut saqqummiunneqarsimasut aamma inaarutaasumik aalajangiinissami ilanngunneqarumaarput.

Kommunip pilersaarutaanut ilassutissap nutaap 2013-imi ukiakkut avammut saqqummiunneqarneranut atatillugu tamanna piumaarpoq, tassanilu inissiisarfiup inissisimaffissaa ilusissaalu sukumiinerusumik aalajangersarneqarumaarluni. Tassunga atatillugu innuttaasunik ataatsimiisitsinissaq soqutigisaqaqatigiillu attuumassutillit ataatsimeeqatiginissaat pilersaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq