Atsiornernik katersineq: Inissiisarfittaassaq nuunneqarli

Atsiornernik katersineq qulequtserneqarsimavoq: Asimut aqqut pingaarnerpaaq matuneqalerpoq aamma Innuttaasut Nuummut parnaarussaalerput.

- Innuttaasut amerlaqisugut atuisullu matoqqasumik isertitsivissap inissinneqarfissaa akerlerilluinnarlugu una atsiorluni isummerfissaq pilersipparput. Isertitsivissaq aammalu siunertaa akerlerinngilarput. Kisianniuna inissinneqarfia akerlerigipput. Tassaassaarmi Kalaallit Nunaanni sanaartugassat anginerpaat ilaat - inissinneqassallunilu Nuummiut asimut ingerlaarfiisa katersuuffianni pingaarnerpaami. Tamaani sisorarneq, aqissiliarneq, asimukarneq, pisuttuarnerit, snecooterinik, atuartut ilinniartullu, aarsaartartullu angalaarfinnaani sanaartortoqalernera akerlerineqarluinnarpoq, Kim Godtfredsen atsiornernik katersuiniaqatigiit sinnerlugit allappoq.

- Tapersersorukku atsiorit, taava uagut ingerlateqqissavarput, illillu uagullu oqariartuutivut tassaassapput sanaartornerup unitsinneqarnissaa PIUMASARINEQASSAARLU ALLAMUT NUUNNEQARNISSAA, Kim Godtfredsen naggasiivoq.

http://www.skrivunder.net/flyt_astalten_-_isertitsivissaq_nuunneqarli