Sulisunik amigaateqarneq: Inissiisarfissaq maajip naalernerani atorneqalissaaq

Pineqaatissinneqarsimasunut inissiisarfik matoqqasoq Nuummi qaammatit pingajuat affaq qaangiuteriarpata atulissaaq. Inissiisarfimmili sulisussanik - betjentissanik - atorfinitsitsiniarneq suli amigaataavoq. Taamaakkaluartorli tamakkiisuuungitsumik sulisoqarluni ammaanissamut pilersaaruteqarpoq.
Inissiisarfik matoqqasoq 2018-p aasaanerani naammassineqarnissaa pilersaarutaagaluarpoq. Kinguaattoornermi peqqutaalluni maajimi 2019-imi ammarneqarnissaa maanna pilersaarutaavoq. Assi © : KNR/Anton Gundersen Lihn
Allattoq Anton Gundersen Lihn
marsip 20-at 2019 08:16
Nutserisoq Marie Kûitse Kristensen

Nunatta oqaluttuarisaanerani siullerpaameerluni pineqatissinneqarsimasunut inisssiisarfik matoqqasoq taamaalilluni maajip naalernerani Nuummi atoqqaartineqassaaq.

Inissiisarfimmi betjentitut atorfinitsinneqartussat 49-t atorfinitsinneqarnissaat siunertaagaluartoq, ammaanissamut qaammataaluinnanngortut atorfinitsitassanik suli amingaateqartoq, Pinerluttunik Isumaginnittoqarfiup pisortaata, Naaja H. Nathanielsenip oqaatigaa.
 - Qularutigaara piffissaq eqqorlugu sulisussat tamakkerneqarsinnaasut. Qammatit aggersut tamanna takutikkumaarpaat. Sulisussarsiornermi pilersaaruteqarpugut, taamaakkaluartorli iluatsitsiumaarnersugut suli nalunarpoq, taanna oqarpoq.

AAMMA ATUARUK Anstalter mangler betjente

Pineqaatissinneqarsimasunut inissiisarfiup matoqqasup atoqqaartinneqarnissaanut sulisussatut qinnuteqarsimasut amerlasuut piumasaqaatinik naammassinnissinnaasimannginnerat ilaatigut unammillernartuusoq, Naaja Nathanielsen oqarpoq.

Taamaattorli atoqqaartinneqarnissa nallerpat sulisussanillu naammattunik atorfinitsitsisoqarsimanngippat, iliuusissaagallartumik pilersaarusiorneq ingerlanneqarpoq.

AAMMA ATUARUK Inissiisarfinni paarsisunngortussat siunissaat artornassasoq

-  Inissiisarfik ammassaqqaarpoq, tamanna qularutissaanngilaq. Kisianni tamaalippat ikinnerusunut inissaqassaaq, sulisuttalu qanoq amerlatigineri apeqqutaalluni suliassagut ingerlanneqartarumaarput, Naaja Nathanielsen oqarpoq.

Taamaammat pineqaatissinneqarsimasunut inissiisarfimmut nuuunneqarsinnaasut ilaatigut utaqqisariaqarsinnaapput.
-  Piffissami killiligaanngitsumik Herstedvester Fængselimiittut ilaat nunatsinnut angerlaursuttut, nunatsinnukassasut aalajangersimalluinnarpoq. Taamaattumiguna inissiisarfik matoqqasoq sananeqartoq, tamaammat qanorluunniit pisoqaraluarpat nunatsinnukaassapput. Inissiisarfiup ammasortaanuyt utaqqinissaq malunnarsinnaavoq, tassalu Nuummi pineqaatissinneqarnissamut utaqisoqarsinaassaaq, Naaja Nathanielsen oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk