Inissiat 1,3 milliardinik nalillit ingerlatseqatigiiffimmut nutaamut nuunneqassasut
Inissiassarpassuit Nuummi illoqarfiup ineriartortinneqarnerata aningaasaleeqataassapput.
- Piginneqatigiiffimmut pigiliutsikkutsigit, taakkua tamanit takuneqarsinaalissapput, tamannalu iluaqutaassaaq, nalituunik inissiaaterpassuaqartugut takuneqarsinnaalissammat. Kommunip naatsorsuutaanni ilaagunik, nul komma nul koruuninik naleqartutut allaqqassapput, nalingilu arlaannaannilluunniit takuneqarsinnaassanngillat, Kommuneqarfik Sermersuup pisortaa, Lars Møller Sørensen oqarpoq.
Immikkoortortaqarfiit sisamat illoqarfiup piorsarnissaanut ingerlatseqatigiiffimmut nuunneqassapput:
Qularnaveeqqusiussinissaq ilimananngitsoq
Lars Møller Sørensen naapertorlugu illoqarfiup ineriartortinneqarnissaanut ingerlatseqatigiiffiup nammineq qajannaatsumik aningaasaateqarnera ingerlatsinerup qulakkiissavaa.
Inissiat akiligassaqarfiunngillat illoqarfiullu ineriartortinneqarnissaanut pilersaarutip akilernissaanut attartortittariaqaratik, ingerlatseqagitigiiffimmullu pigiliutsinneratigut ingerlatseqatigiiffik kommunilu suleqatigisassatut pilerinarnerulissapput.
AAMMA ATUARUK Illoqarfiup ineriartortinnissaanut pilersaarut aggulunneqartoq
- Soorunami pilersaarummut aningaasaliillutik suleqataarusussinnaasunut pilerinarsarniarpugut.
Inissianik attartortunut sunniuteqassanngilaq
Lars Møller Sørensen naapertorlugu inissianik pigilitsitsineq inissianik attartortunut, attartukkat angissusaanut aserfallatsaaliorneranullu tamanna kinguneqassanngilaq:
Inissiani taakkunani immikkoortuni attartortunut kinguneqassanngilluinnarpoq.
Kommunip ingerlatseqatigiiffimmut 5 millionit koruuninik, 20 millionit koruunillu taarsigassarsianik akisussaaffigisamut aamma aningaasaliivoq
Inissiat immikkoortut sorliit ingerlatseqatigiiffimmut nutaamut nuutsinneqarnersut KNR.gl-imi takusinnaavat.
