Illoqarfiup ineriartortinnissaanut pilersaarut aggulunneqartoq
Nuup ilaata Siorarsiorfiup ineriartortinneqarnissaanut pilersaarutip immikkuualuttunut assigiinngitsunut aggulunneqarnissaa maanna siunniunneqarpoq. Sermitsiaq.AG taama allaaserisaqarpoq.
AAMMA ATUARUK Aningaasaliisussat kikkuunersut Sermersuumit oqaatigineqarusunngitsoq
Suliniut naammassineqassappat Siorarsiorfik pillugu aningaasaleeriaatsit nutaat pisariaqartinneqartut, Kommuneqarfik Sermersuumi Aningaasaqarnermut ataatsimiititaliap innersuussutigaa, Siorarsiorfimmummi suliniutip kingunissai annertuallaartut kommunip nassuerutigaa.
Siorarsiorfimmut pilersaarut borgmesterip Asii Chemnitz Narupip kommunalbestyrelsi isumaqatigiissoq tunuliaqutaralugu kommuninut qinersisoqarnissaa sioqqullugu saqqummiuppaa, suliniullu 4 aamma 5 milliardit koruunit akornanni naleqassangatinneqarluni.
AAMMA ATUARUK Sermersuup suliniutaanut qularnaveeqqusiinianngitsut
Aningaasat taakku Soraarnerussutisianut aningaasaateqarfinnit matussuserneqarnissaat takorloorneqartoq taamanikkut saqqummiunneqarpoq, Siorarsiorfimmummi suliniutip kingunissai annertuallaartut kommunip nassuerutigigaa Sermitsiaq.AG-p allaaseraa:
- Allaffeqarfimmit maanna siunnersartoqatigiit Namminersorlutillu Oqartussat suleqatigalugit paasineqarpoq, nalorninartutut inissisimasut ataqatigiissumik neqeroortitsissutigineqarnerini pitsaaqutitut inissisimasut suli nallerneqanngitsut, Kommuneqarfik Sermersuumi kommunaldirektøriugallartup Lars Møller-Sørensenip Aningaasaqarnermut ataatsimiititaliamut nassiussimasaani aalajangiiffigisassatut siunnersuummi nassuerutigineqartoq, Sermitsiaq.AG-p allaaseraa.
Sullorsualiornissaq akisuallaartoq
Siorarsiorfimmi suliniummut atatillugu qaqqap Ukkusissap nalaani sullorsualiortoqarnissaa aamma taamaatiinnarneqartoq aviisip allaaseraa. Qaartiterilluni sullorsualiornissap akisuallaarnissaa ilimagineqarmat taarsiullugu aqqusinniortoqarnissaa maanna pilersaarutigineqarpoq.
AAMMA ATUARUK Illoqarfiit pingaarnersaannut pilersaarusiaq ineriartortitsissaaq
