Inissiami Blok 10-mi arfininngornermi unnukkut ikuallattoqartoq
Nuummi H.J. Rinkip Aqqutaani Blok 10-mi inissiat ilaat arfinngornermi unnukkut ikuallappoq.
Inunnik ajoqusertoqanngitsoq, politiit pigaartuisa pisortaat Aputsiaq Hansenip KNR-imut paasissutissiivoq.
Nuummi politiit inissiani ikuallattoqartoq arfininngornermi nalunaaqutaq 21.50 nalunaarfigineqarput.
Qatserisartut politiillu inissiamut erngertumik ornigupput. Pujoq igalaaniit aniammat, sakkortusiartuaarlunilu, inissiap saniliini najugallit qimagussortinneqarput.
Inissiaq inoqanngitsoq kingorna paasineqapoq, sunalu peqqutaalluni ikuallanneq aallartissimanersoq politiit maannamut suli misissorpaat.