Politikki

Inissiaatileqatigiiffik A/S INI pisortartaarpoq

Suliffeqarfimmik ilisimaarinnittoq inissiaatileqatigiffik A/S-mi pisortap issiaviani issialerpoq. Jukku Mølgaard pisortatut atorfinippoq suliffeqarfimmi tassani ukiuni 15-ni sulereerluni siornatigullu allaffissornermi pisortat, naatsorsuuserinermut pisortatut aningaasaqarnermullu pisortatut sulifffeqarfimmi tassani sulereerpoq.

Allattoq Noah Mølgaard

maajip 23-at 2012 06:31

44-nik ukiulik Jukku Mølgaard inissiaatileqatigiiffik A/S Inimi pisortaaninngorami isumalluarfigineqarpoq.

- Martsimi nutaanik siulersuisortaarpugut pingasunngornermilu inissiat pillugit politikkikkut nassuiaat Inatsisartuni oqaluuserineqarmat ilimanarsivoq Namminersorlutik Oqartussat inissiaataat pigilissagivut. Maanna suliassarilerparput siulersuisut suleqatigalugit tamatuma pitsaanerpaamik pinissaata pilersaarusiornissaa. Tamanna unammilligassatut annertutut isigaara. Jukku Mølgaard atorfittaamini maajip 16-at sulilersoq oqarpoq.

Martsip qaammataani Jukku Mølgaard pisortaanerugallartutut inissippoq tamatumalu kingorna siulersuisut pisortaaninngortussamik ujaasipput piukkunnartunik sulisussarsiortartut suleqatigalugit. Tassalu tamatuma kinguneraa Jukku Mølgaardip pisortaanertut inissinneqarnera.

- Ini-mi suisut nalunngilaat pisortaq qanoq suleriaasilik pisortarilernerlugu taakkulu aamma suleqataalluinnartussaapput Namminersorlutik Oqartussat inissiaataasa tigunissaanni. Aamma neriuutigaara inissiani akisussaaffigiligassatsinni attartortunut sullissineq pitsaanerusoq neqeroorutigisinnaassallugu, Ini-mi pisortaaninngortoq neriorsuivoq.

Inissiaatileqatigiiffik A/S INI pisortartaarpoq

Aamma atuaruk