Assammik arsartartut Ingi Olsen nuna tamakkerlugu assammik arsarnermi sungiusaasunngortoq

Kalaallit Nunaanni Assammik Arsartartut Kattuffianni siulersuisut aalajangerput nuna tamakkerlugu angutit assammik arsartartut sungiusaasuattut Ingi Olsen atorfinitsinneqassasoq. 
Assi © : GHF
novembarip 20-at 2017 12:18

Ingi Olsen 2014-imiilli sungiusaasumut ikiortitaavoq. Taamaammat Ingi Olsen toqqarneqarneranut ilaatigut tunngaviupput arsartartut toqqakkat ilisarisimalluarmagit

AAMMA ATUARUK Niels Møller sungiusaasutut ingerlaannartumik tunuartoq

Toqqarneqartoq savalimmiuni inunngorpoq 48-inik ukioqarluni, nuliaqarpoq tallimanillu qitornaqarluni.

Ingi Olsen ukiuni arlaqartuni sungiusaasuuvoq ullumikkullu Savalimmiuni angutit pitsaanerit unammisartuini klubbimi sungiusaasuuvoq. 

Kalaallit Nunaanni Assammik Arsartartut Kattuffiat taama nalunaaruteqarpoq.

Aasaq manna Savalimmiormiut angutit U21-ni sungiusaasumut ikiortaalluni Algeriet-mi VM-mi peqataavoq.