Københavnip universitetiani savalimmiutut ilinniarsinnaanginneq kamaatavoq

Københavnip universitetiani savalimmiusut atuartitsisarnerup taamaatineqarnera savalimmiuni  kamaatigineqarpoq,
taamaattumik savalimmiormiut folketingimut ilaasortaatitaat Sjúrður Skaale danskit naalakkersuisuisa savalimmiuni pissutsinut ilisimasaqarnerulernissamut suliniuteqarnerannut tamanna naapertuuttuunersoq pillugu danskit ilinniartitaanermut ilisimatusarnermullu ministeriannut apeqquteqarpoq.

Savalimmiormiut Folketingemi ilaasortaatitaat naapertorlugu,  danskit savalimmiunut savalimmiunilu inuiaqatigiinnut ilisimasaat annertugisassaanngilaq.

- Naalagaaffeqatigiinneq pillugu Folkteingemi oqallitsitsigaangama, naalagaaffeqatigiinneq illersorneqartuaannarpoq, tamassumalu nukittorsarneqarnissaanut tamattta iliuuseqarniarpugut. Ilisimasaqarnerulernissarli iliuusissani siulliusariaqarpoq. Ilisimasat aallaavigalugit soqutiginninneq pilersarpoq. Ilisimasaqanngineq isummanik pigiliuteriikkanik pilersitsisarpoq, tatiginninnginnermillu pilersitsisarluni, Sjúrður Skaale DR-imi P1-imi ullaaq oqarpoq.

Københavnip universitetiata immikkoortortaqarfiani Det Humanistiske Fakultetimi sipaarniartoqarmat, ilinniarfiit ikittunik ilinniartoqarfiusut namminerlu qinigassaqarfiusut matuneqassasut aalajangerneqarpoq,  ilinniarfiit ikinnerpaamik 30-nik iliniartoqarnissaannut piumasaqaataasumi nutaami napertuutinngimmat, Magisterbladet allaaserisaqarpoq.

Savalimmiormiusut ilinniarnissamut tallimaannaat  nalunaarsimammata, taassuma ilinniartitssutigineqarnissa siunnissami neqeroorutigineqassanngitsoq