RAL aningaasat naaleerukkiartorneranit eqqqugaasoq: Nunatta avataanut assartuineq 32 procentimik akitsortoq
Namminersorlutik Oqartussat umiarsuaatileqarfiat, Royal Arctic Line, nunarsuaq tamakkerlugu aningaasat naleerukkiartornerannit eqqugaavoq.
Nunatsinnut eqqussat:
Suliffeqarfiup pisiortorsimasai nunanit allaneersut nunatsinnut assartorneqarlutik eqqussaasarput.
Avammut tunisat:
Suliffeqarfiup nunamut allamut nioqqutai avammut tunisaasuusarput.
Avammut tunisat amerlanerpaartaat aalisagaapput qalerualiullutillu. Avammut tunisat 93 procentii aalisakkanik nioqqutissiortuneersuupput, taakkulu nunatsinnut aningaasalersuinerpaajusunut ilaapput.
Tusarfik: Grønlands Statistik
Taamaaammat nunaatsinniit nunanut allanut assartukkaminut akigititaminik 32 procentimik qaffaassaaq.
Umiarsuaatileqatigiiffik tusagassiutinut taama allappoq.
Nioqqutissanilli nunatta avataaniit nunatsinnut nunatsinnilu aassartuussinermut akit allanngusssaanngitsut, umiarsuaatileqatigiiffik erseqqissaavoq.
- Qaffaaffigisassatut qinikkagut tassaapput usit nunatsinnit avammukaassassat tamarmik. Usit nunatsinnukaassat nunatsinnilu assartukkat kalluagaanngillat, Royal Arctic Linep pisortaanera Verner Hammeken KNR-imut oqarpoq.
Aalisartunut tussasoq
- Tassa nunatsinni najugaqartut akinik qaffaanermit sunnerneqarnavianngitsut, Verner Hammeken oqarpoq.
Tamatumunngali isumaqataanngitsoqarpoq.
Akitsuinermi aalisartunut tussasoq, Sulisitsisut aalisarnermut, inuussutissarsiornermut avammullu ataatsimiititaliaata siulittaasuat Henrik Leth isumaqarpoq.
- Akitsuineq kilisaatini inuttanut assartuinermut akileeqataasartunut tussaaq, taanna KNR-imut oqarpoq.
Umiarsuaatileqatigiiffiimmi aalisartullu sinneqartoorutit aningaasartuutillu avittarpaat.
Taamaammat pisamasimagaangamik isertitaqarnerusarput. Aningaasartuuteqarnerulernerli aalisartut akissarsiaminnit ilanngaatinneqarnerusalernerannik aamma kinguneqassaaq.
Kisermaassineq atuutiinnassava?
Naakkersuisut umiarsuaatileqatigiiffiup akigititaminik februaarip aqqarnani qaffaaniarneranik akuersereerput.
Akigititaassaali isumakulunnartut, Sulisitsisut isumaqarput.
- Suliffeqarfinnut inuiaqatigiinnullu qanoq sunniuteqartigissanersoq soorunami ernummatiginerpaavarput, Sulisitsisut pisortaat Christian Keldsen oqarpoq.
Royal Arctic Linep suliassaminik kivitsisinnaajunnaaqqasoq, Sulisitsisut isumaqarput.
- Isumaqatigiilluta naammagiliivugut. Royal Arctic Linep sullissinera ajorseriarpoq assartuinermullu tunngasuinnaanngitsut qaffakkaluttuinnarlugit, Henrik leth oqarpoq.
Taamaammat Inatsisartunut kaammattuuteqarpoq.
- Kisermaassineq atuutiinnassanersoq isummerfigisariaqarpaat.
Assartuussinermut akit nutaat februaarip aqqarnani atuutilersussat Naalakkersuisut akuerereerpaat.
Akigiusussat
Nunatsinnut assartuinermut akit:
|
Aki/angissutsit |
Maanna aki |
Februaarip aqqarnaniit akiusussaq |
|
20' assartukkat nalinginnaasut |
22.609 |
22.609 |
|
40' Containeri qerititsivik |
63.352 |
63.352 |
Avammut assartuinermut akit:
|
Aki/angissutsit
|
Maanna aki
|
Februaarip aqqarnaniit akiusussaq
|
|
20' assartukkat nalinginnaasut
|
9.237
|
12.192
|
|
40' Containeri qerititsivik
|
21.421
|
28.276 |
Akinut tapiliussat assigiinngitsut, soorlu aningaasat nalinginut uuliamullu akinut tapiliussat taavalu assartukkanik nalunaarsuinermut akitsuutit, akigititani ilaanngitsut, Royal Artic Line ilisimatitsivoq.