Indiamiut avataarsualiartaataat qaammammut nunninnissaa pissanngataaqisoq
Indiamiut avataarsualiartaataat aappassaanik qaammammut nunninniarsarissaaq ullumikkut pingasunngornermi.
Avataarsualiartaataat inuttaqanngitsoq, Chandrayaan-3, qaammamut nunnissaaq nunatsinni aqqanermut tanneq arfineq-marlunngorluinnalerpat.
Russit avataarsualiartitaat qaammatip kujaterpiaanut sapaatit akunnerata siuliani nunninniartilluni sequmippoq.
Avataarsualiartinneqartup qaammammut nunninnissaanut Indiami pissanngatigineqartorujussuuvoq.
Indiami aviisit nuna tamakkerlugu saqqummersinneqartartut allaaserisaanni pingaarpaatut qulequtsiunneqarpoq, avataarsualiartaatillu qaammammut nunninnissaanut TV-qarfiit toqqqannartumik aallakaatitsillutik piareersimapput.
Qaamammmusiartinneqartup ajoqusernani nunninnissaanut kissaassillutik qinusarfinni moskiini oqaluffinnilu qinnussisoqarpoq. Atuartut indiamiut erfalasuinik tigummiarlutik qaammammusiartinneqartup nunninnisssaanut TV-kkut malinnaatinneqarput.
Indiap ministeriunera, Narendra Modi, qaammammusiartinneqartup nunninnissaanut Sydafrikamit malinnaavoq, taanna nunat BRIKS-imut ilaasortat tassaasut India, Rusland, Sydafrika Brasilialu ataatsimeeqatigiinneranni peqataavoq.
Qaammammi sikoqarpat, nassaartoqassappallu, siunissami avataarsualiartinneqartartussat imeqarnissaannik, anersaartorfissaqarnissaannik ikummatissaqartinneqarnissaannillu qulakkeerneqassaaq.