Indiami qimuttuitsut aallartarfiannut unittarfiannullu atassutaasup ajortinnera inuit 288-it inuunerannik naleqartoq
Indiami qimuttuitsut juunip aallartinnerani aporujussuarnerat inuit 288-t inuunerannik naleqartoq maanna paasineqarpoq sumik peqquteqarnersoq. Oqaatigineqarpoq, qimuttuitsut aqqutaannik sulisut qimuttuitsut aallarlutillu tikittarfiannik unitsitsisartoq suliarisimagaat tassungalu atassutaasoq automatiskimik ingerlaartartoq ajortissimasoq, ajunaarnerlu sukumiisumik misissorneqarluassasoq aalajangiunneqarsimavoq.
Apornerlu pisimavoq qimuttuitsup inunnik ilaasoqartartup qimuttuitsoq alla nioqqutissanik assartuut uninngasoq aporsimammagu, qimuttuitsorlu alla illuatungaaniit aggersoq aamma taakkununnga aporluni.
Qimuttuitsoqarfimmilu sulisut qimuttuitsut tikittarfiata aallartarfiatalu suliariniaraluartillugu ledningit qimuttuitsunut atassusiisussat kittorartoorsimavaat taamaalillugulu ajutoorneq pisoorluni.
Oqaatigineqarporlu qimuttuitsut ingerlaarneranut attaveqaasersorneqarsimasoq 205 milliardit koruuninik nalilimmik.
Qimuttuitsummi ingerlaarfii nutarsarneqarsimapput nutaaliaasunik stationilersorneqartussaasimallutik.
Tamannalu Indiami ministeriunerup Narendra Modisimik atillup ilaatigut politikkikkut piumasarisimasaanut tamanna attuumassuteqartoq oqaluttuarineqarpoq.