Indiami kaavittuliortumik anorersuarmat inuit 800.000-it qimagussuutsinneqartut
Anorersuaq kaavittuliortoq Indiap kangisinnerusortaanut akunnerit 24-it tulliuttut ingerlaneranni anngutissaqangatinneqarpoq.
Indiami nunap immikkortuani Orissami Indiap kangisinnerusortaaniittumi sialussuaarnissaa aarlerisaarutigineqarpoq, taamaattumillu oqartussaasut angallatit bussit qimuttuitsullu atorlugit innuttaasut tusintinik amerlanerusut qimarnnguussuutsinniarpaat.
Indiami silasiortut anorersuup kaavittuliortup sukkassusia uuttortarpaat, taannalu nalunaaquttap akunneranut 200 kilometerisut sukkassuseqarsimavoq.
Inuit 800.000-it najugaqarfimminnit qimagussuutsinneqartut, atuarfinnut universitetinullu inissinneqassapput.
Takornariat illoqarfinni sinerissamut qanittumiittumi Vegstbengalenemiittut aamma Orissamiittut qimagunnissaannik peqquneqarsimapput.
/ritzau/
