Indiami bussinik ajutoortoqarmat ikinnerpaamik 29-t ajunaartut
Indiap avannarpasissortaani bussimik ajutoortoqarmat inuit ikinnerpaamik 29-t ajunaarput. Politiit taama nalunaaaruteqartut dpa allaaserisaqarpoq.
Assi: Scanpix
Allattoq Ritzau
juulip 08-at 2019 10:36
Nutserisoq Bikki P. Kleist
Bussimi aquttup ingerlaarnermini kuuffiup aqqutaanut 15 miiterimut nakkarpoq. Toqutaasut ikinnerpaamik 27-t bussimit qaqinneqareersullu inuit marluk napparsimmaviliaanneqartillutik kingorna toqusimasut, Agrami politiit pisortaat oqarpoq.
Indiami tusagassiorfiit allaaseraat bussimi aquttoq ingerlaartilluni sinilersimasoq.
Bussimi 46-t ilaasut New Delhip tungaanut ingerlaaraluarput.
Indiami aqqusinerni siorna ajutoortoqartarnerani inuit maannamut 149.000-it ajunaarsimasut, kisitsisit saqqummersut takutippaat.
