Assi: KNR

Inatsit saqitsaassutaasoq aalajangiiffigissagaa

Savalimmiormiut Kalaallillu Danmarkimut illuatungiliuttuliullugit saqitsaannerini Savalimmiormiut namminersornermut inatsisaanni immikkoortoq suli atorneqarsimanngitsoq iluaqutigineqarsinnaagaluarpoq. Savalimmiormiut sinnerlugit folketingimi ilaasortap, Magni Argep taama isumaqarnera Sermitsiaq.AG-mi allaaserineqarpoq.

Tamanna pivoq Nunat avannarliit siunnersuisooqatigiit siorna ataatsimiinnerini Savalimmiormiut, Kalaallit Islandimiullu isumaqatigiissusiaat Danmarkimi Nunanut allanut ministeriaqarfiup atorsinnaanngitsutut nalilereeraalu. 

Isumaqatigiissusiaagaluartormi naapertorlugu Atlantikup avannaani nunat pingasut naalakkersuisuisa soqutigisaqatigiissutigisatik pillugit, ilaatigut nunanut allanut politikki pillugu, siunissami oqaloqatigiittalernissartik aaliangiukkaluarpaat.

Nunanulli allanut tunngassutilinnut tunngasunut periutsit ullumikkutut itsillugit Kalaallit Savalimmiormiulluunniit namminersutigisinnaanngikkaat qallunaat naalakkersuisui isumaqarput. Tamannali Danmarkip kisimiilluni aalingertariaqanngikkaa Magni Arge isumaqarpoq.

Matumani ilisimasallit ataatsimiititaliaanik pilersitsisoqartariaqartoq Magne Arge isumaqarpoq, ilaatigut qeqertani naalakkersuisunik Danmarkimilu naalakkersuisunik Højesteret-imiillu eqqartuussisut pingasunit ilaasortaatitaqartitaqartoqassalluni, taakkulu Savalimmiuni namminersornerunermut nunatsinnilu namminersornermut inatsisit naapertorlugit naalagaaffiup nunallu marluk akornanni saqitsaassutaasut iluarsineqarsinnaagaluarlutik.

- Savalimmiormiut qallunaallu isumaqatigiissinnaanngippata taava inatsisit imarisaat naapertorlugit sorlit ilumoornersut højesteretimi eqqartuussisut uagutsinnut paasissutissiissutigisinnaalissagaluarpaat Magne Arge oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat