Ilinniagartooq: Inatsisitaaq oqaluttuarisaanitsinnut pingaaruteqarpoq
- Ilaana. Kalaallit tassani qallunaatut inuiaasusseqalerput.
Taamaalillutillu danskinut naligigiittut inissisimalertut, aammalu nunarput nunasiaatajunnaartoq, ilinniagartuup aamma oqaatigaa.
Tunngaviusumik inatsisip allanngornerani kalaallit angusaasa ilagaaat, Danmarkimi innutaassuseqaleramik Foletingimilu marlunnik ilaasortaqalerlutik.
Taava Danmarkimi amtiulersumi pingaartitat aamma anguniarsinnaalerpagut. Assersuutigalugu nammineersinaaneq.
- Aammalu taanna takuarput soorlu nunatta 1979-imi namminersornerulernerata eqqunneqarnerani, tavalu aamma 2009-mi namminersulernisssamut isumaqatigiissutip atuutilerneratigut.
Naak ukiut 65-it qaangiutereeraluartut tunngaviusumik inatsimmi allannguutip nunatta maanna namminersornerulluni inissisimalernissaa aqqutissiuukkaa, Daniel Thorleifsen oqarpoq.
- Qallunaat inatsisitaavat namminersulernissaq anguniarlugu aqqutinutt aqqusaartukkatsinnut aqqutissiuussisuuvoq.
