Inatsisinik atuutsitsinermut tunngasut nukittorsarnissaat itigartitsissutigineqartoq
Kissaatigineqartut amerlavallaarnerat itigartitsinermi tunngavilersuutigineqarpoq. Karin Gaardsted, Socialdemokraatineersoq, KNR-imut taama oqarpoq.
- Sammisat 15-it pitsanngorsaavigineqarnissaat kissaatigineqarmat itigartsitsivugut. Sulilu aningaasartaqartinneqanngitsut akuerinissaat akisussaaffigerusunnginnatsigu.
Kalaallit Nunaanni Politiini, eqqartuussiveqarnermi pinerluttunillu isumaginnittoqarfimmi amerlasuunik amerlasuunik pitsanngorsaavigineqartariqartut partiimit isumaqatigineqaraluarpoq.
Naalakkersuisut aamma taama inissisimagaluartut, inatsisinik atuutsitsinermi ministeri Søren Pape Poulsen oqarpoq.
Taassumali Nunatsinni Naalakkersuisut ukiamut siunnersuuteqarnissaat takoqqaarusuppaa, pitsanngorsaatissanut kissaatinik tulleriiaakkanik aallaveqarniassagamik.
Naalakkersuisooqataasut Dansk Folkepartiit siunnersuut tunngaviatigut isumaqatigigaluarlugu ukiamut aningaasanut inatsisissap isumaqatigiinniuteqarnissaanut suliassaq kinguartikkusukkaa, oqaaseqartartoq Peter Kofoed Poulsen oqarpoq.
Siunertaq tapersersussavarput, mannali taasinermi pinnata. Uanga Ajja Chemnitz Larsen siunnersussagaluarpara aningaasanut inatsisissap isumaqatigiinniutigineqarnerani tamakku qaqeqqullugit, taakkumi aningaasartaqarmata. 2017-imut inatsiseqareeratta uatsinnut aningaasanik amerlasuunik atuinissaq ajornakusoorpoq, DF-imeersoq oqarpoq.
AAMMA ATUARUK Eqqartuussiveqarneq IA-p pitsanngorsaavigerusukkaa
Oqaatigineqartunut taakkununnga Chemnitz Larsen ima akivoq:
- Angusaqarusussuseqarnerarneqarnera nersualaarinninnertut tiguara, amerlavallaanik suliaqarusuttunga. Aap, ilumoorpormi angusaqarusuttunga, inatsisinimmi inatsisinimmi atuutsitsinermut tunngasut kinguaattoorsimaqagamik.
Folketingimi Kalaallit Nunaat pillugu ataatsimiititaliamut siunnersuut ingerlateqqinneqarpoq. Partiilli isummatik aalajangiusimappatigit Inuit Ataqatigiit ukiumut aalajangiiffigisassamik siunnersuuteqarniartut Aaja Chemnitz Larsen oqarpoq.
