Inatsisartut upernaakkut ataatsimiinnerat ullumi aallartissaaq
![](/sites/default/files/styles/image_934x467/public/article_images/inatsisartut_sal_foto_nils_baum_bureau_for_inatsisartut.jpg?itok=yppz6XT8)
Ukioq mannamut aningaasanut inatsisissatut siunnersuut oqaluuserisassani pingaarnerpaavoq. Tassami sipaarniutigineqarniartut oqaluuserineqassapput, ukiuni tulliuttuni pingasuni ukiumut 50 millionit koruuninik sipaarniartoqartarnissaa Naalakkersuisut siunnersuutigaat. Siunnersuut kommuninut tunngassuteqanngilaq, Namminersorlutilli Oqartussani ingerlatsinermut aningaasartuutit sipaarniarfigineqarlutillu suliassat isumaqatigiissutillu qanoq ililluni sipaarniarfigineqarsinnaanersut misissorneqassalluni.
Siusinaarluni pensionisiaqalersinnaanerup aaqqissuuteqqinneqarnissaanut siunnersuut aamma oqaluuserineqassaaq. Siusinaarluni pensionisiaqalersinnaanermut inatsit sukateriffiginiarneqarpoq, siusinaarluni pensionisiaqalersinnaanermut piumasaqaatit assigiinngitsutigut allanngortinneqarnissaannut Naalakkersuisut siunnersuuteqarlutik.
Innuttaasut Namminersorlutik Oqartussanut, kommuninut suliffeqarfinnullu angisuunut akiligassallit akiligassaannik akiliisitsiniarneqarnissaannut Naalakkersuisut aamma siunnersuuteqarput, ilaatigut aningaasarsiaannit ilanngaanikkut akiligassat akilersinniarneqarsinnaanissaat siunnersuutigineqarluni.
Inatsisartut upernaakkut ataatsimiinnissaat ualeru nalunaaqutaq ataatsimut aallartissaaq, KNR-ikkullu tamanna malinnaavigineqarsinnaassalluni. Tassa aallakaatitsineq ataatsimut tanneq aqqaneq aallartissaaq, KNR-ikkullu tassa malinnaavigineqarsinnaassalluni.