KNR pillugu Inatsisartut upernaakkut ataatsimiinnerat KNR2-kkut toqqaannartoq

Inatsisartut upernaakkut ataatsimiinnerat KNR-ip radiukkut toqqaannartumik aallakaatissanngilaa. Taamaattoq ataatsimiinnerit TV-kkut KNR2 atorlugu toqqaannartumik aallakaatinneqassapput taamatullu ataatsimiinnerit knr.gl aamma inatsisartut.gl aqqutigalugit isiginnaarnissaat periarfissaalluni.

Inatsisartut upernaakkut ataatsimiinnertik siuartippaat, ullaakkut nalunaaqutaq quliniit aallartittassallutik marlunullu unittassallutik.

- Inatsisartut ataatsimiinneri aallakaatissagutsigit, isumaqarpoq KNR-ip aallakaatitsinernik pilersaarutini upernaakkut ataatsimiinnerit ingerlanneqarnerisa nalaanni allanngortittariaqaraa. Nalunaarutigineqarnera kingusippallaarmat taamaaliorsinnaanngilagut, KNR-ip pisortaa Karl-Henrik Simonsen oqarpoq.

Ataatsimiinnerilli malinnaaviginiaraanni allanik periarfissaqarluareersoq taassuma erseqqissaatigaa, ataatsimiinnerimmi KNR2-kkut isiginnaarneqarsinnaapput tusarnaarneqarsinnaallutillu. 

- Taavalu siunertarineqareerluni ataatsimiinnerit tassunga nuunneqassasut. Maannakkullu taamak iliorpugut. Immikkut ittumik oqallittoqassappat, soorunami aaqqiisuisoqarfimmi nalilersorneqartassaaq KNR radiukkut aallakaatinneqassanersoq aalajangiullugu. Tamatuma saniatigut Radioaviisip, Qanoruup aallakaatitassanilu oqallinnerni qanimut malinnaavigineqassapput. Sammisassat oqallinnerillu innuttaasunut ingerlateqqinneqartarumaarput, pisortaq naggasiivoq.

Inatsisartut upernaakkut ataatsimiinnissaat aqagu tallimanngornermi aallartissaaq.

Itinerusumik ilisimatinneqarusukkuit pisortaq Karl-Henrik Simonsen atassuteqarfigisinnaa-vat 36 15 00 imaluunniit mail khs@knr.gl.