ASSIT Inatsisartut Naalakkersuisullu akuerineqarput

Naalakkersuisunut ilaasortat Inatsisartut inissitsiteriffiusumik ataatsimiinneranni ataasiakkaarlugit akuersissutigineqareernerisa kingorna Siumup, Demokraatit Atassutillu naalakkersuisuutitaat maanna pisortatigoortumik akuerineqarsimalerput.
Allattoq Camilla Dam
decembarip 12-at 2014 13:23

Nuuk anorersuartorsuusoq Inatsisartunut Naalakkersuisunullu ilaasortat katillugit 38-usut Inatsisartut ataatsimiittarfianni katersuupput siulittaasullu, naalakkersuisut ilaasortallu akuerineqarlutik.

Ataatsimiinneq pilersaarutigineqartutut ingerlavoq, Lars-Emil Johansen Siumumeersoq Inatsisartut siulittaasuattut qinigaaqqippoq Naalakkersuinullu ilaasortat tamarmik aamma akuerineqarput.

Partiilli illuatungiliuttuusut Inuit Ataqatigiit Partii Nalerarlu katillugit 13-iusut Kim Kielsen Naalakkersuisut siulittaasussaattut taasissutigineqarmat taaseqataanngillat.

Inatsisartunut ilaasortat Namminersorlutillu Oqartussani atorfilittat qullersaasut Hans Egedep Illuani ullaap tungaani kaffisoqatigiipput. 16 m/s-inillu anorlertoq politikerit Annaassisitta Oqaluffiani naalagiaqatigiinnissamut bussimik ingerlanneqarput.