Inatsisartut ataatsimiinnerat unikkallarpoq
Sapaatip akunnerata tullia Inatsisartuni ataatsimiiffiussanngilaq.
Allattoq Louise M. Kleemann
Nunat Avannarliit Siunnersuisoqatigiiffiata ataatsimiinnera sapaatip akunnerani 44-mi pisussaq peqqutaalluni ukiakkut ataatsimiinneq unitsinneqarallarpoq. Taamaattoq sapaatip akunnera qasuersaarfittut atorneqassanngilaq, tassami ukiakkut ataatsimiinneq naggaserlugu oqaluuserisassat pingajussaaneerneqartussat arlallit ataatsimiititaliani assigiinngitsuni suliarineqassasut, Inatsisartut Allattoqarfiannit oqaatigineqarpoq.