Assit takukkit Inatsisartut ammaanerisortut
Inatsisartut ukiaanerani ataatsimiinnertik ullaap tungaani aallartippaat. Siorna ammaanersiornermit eqqissisimanerusumik ukiormanna ataatsimiinnertik aallartippaat.
Allattoq Ane-Marie Petersen
septembarip 25-at 2015 17:55
Politikkerit amerlanerit qungujulallutik ilassiorput. Ukiumut kingullermut sanilliullugu ataatsimiinnissamut ammaanersiorneq eqqissisimaneroqaaq.
Alaatsinaattut amerlanngillat. Annaassisitta oqaluffianit Inatsisartut ataatsimiittarfiannut tusagassiortut assiliisullu takussaapput.
Politikkerit akornini inussiarnisaarnerup takutippaa ataatsimiinnermut isumaqatiginninniarnissanullu ammaanersiorneq iluatsilluartoq.
