Inatsisartunut ukioq qinersiartortut amerlanerussagunarput
Ukioq manna qinersiartortut 2009-mut naleqqiullugu amerlanerunissaat ilimanarpoq, innuttaasut 71,3 procentii taamanikkut qinersiartormata.
Qassit nalunaaqutaq tallimanut qinersiartorsimanersut, illoqarfinni aqqaneq-marlunni qinersivinnik aqutsisut nalunaarutigisinnaasimavaat, 2009-mullu sanilliullugit.
Nanortalimmi ukioq manna qinersiartortut 2009-mut sanilliullugu ikinnerupput, illoqarfinni paasiniaavigisatsinni kisiartaallutik ikiliartorfiusimallutik.
Illoqqortoormiormiut nalunaaqutaq tallimanut qinersiartorsimasut illoqarfinnut allanut sanilliullugit amerlanerpaapput, 2009-mi qinersinermut sanilliullugu ukioq manna qinersiartortut 9,1 procentpointinik amerlanerusimammata.
Qeqertarsuarmi Nuummilu qinersiartortut, qinersinermut kingullermut naleqqiullugu amerlanerupputm Tasiilamilu qinersiartorsimasut ukioq manna 43,85 procentiinnaallutik.
