Politikki

Inatsisartuni ullormut pisussat

Inatsisartuni ullumikkut pingasunngornermi ataatsimiinneq aallarnerlugu ileqquusumik akunnermi ataatsimi apeqqarissaarneq nalunaaqutaq qulinut siulliunneqassaaq.

Allattoq Karsten Sommer

novembarip 09-at 2016 07:24

Nutserisoq Simon Uldum -

Naalakkersuisunngorlaallu ilaat apeqqarissaarfigineqassaaq, tassalu isumaginninnermut, ilaqutariinnermut, naligiissitaanermut inatsisinillu atuutitsinermut naalakkersuisoq Sara Olsvig.

Tamanna pereerpat Inatsisartut ataatsimiinnerat nalunaaqutaq aqqanermut aallartissaaq ullormullu oqaluuserisassani immikkoortut marluinnaapput.

Siulleq tassaavoq Inuit Ataqatigiinneersup Ane Hansenip siunnersuutaa. TaassumabBorgmesterit borgmesteritut atuunnermik saniatigut allamik suliffeqarsinnaanerannik pisinnaajunnaartitsinissaq kissaatigaa.

Siunnersuutip itigartitsissutigineqarnissaa inassutigineqarpoq, ilaatigut ataatsimiititaliami amerlanerussuteqartut isumaqarmata namminersortutut inuussutissarsiummik ingerlataqartut borgmesteritut atuuffeqalersinnaanissaat ajornakusoortinneqalissasoq.

Tamanna pereerpat 2016-imi Nunanut allanut tunngasutigut naalakkersuinikkut ingerlatsineq pillugu nassuiaat nunanut allanut naalakkersuisup Vittus Qujaukitsup saqqummiutissavaa.

Tamatumanilu Amerikami qinersinerup inernera immaqa aamma eqqaaneqassaaq?

Inatsisartuni ullormut pisussat

Aamma atuaruk