Inatsisartuni ullormut pisussat
Ataatsimiinnermi oqaluuserisassaq siulleq tassaavoq qaleralinnut aamma aalisakkanut tunumi ikerinnarsiortunut akitsuutit allanngortinneqarnissaannut siunnersuut.
Akitsuutit allanngortinneqarnissaannut siunnersuuteqartuuvoq aningaasaqarnermut aatsitassanullu naalakkersuisoq Randi Vestergaard Evaldsen.
Oqaluuserisassani kingulliullugit oqaluuserineqassapput ilinniagaqarnersiutit pillugit allannguutissat arlaqartut, taakkununga ilaavoq taarsigassarsianik akilersuinissamut maleruaqqusanik allannguineq erseqqissaanerlu.