Politikki

Inatsisartuni ullormut pisussat

Inatsisartuni ullormut oqaluuserisassani immikkoortut pingasut ullumikkut oqaluuserineqassapput, aallarniutigalugulu kulturikkut ingerlatsineq sunngiffimmilu sammisassaqartitsineq pillugit inatsisissatut siunnersuut siullermeerneqassaaq.
Allattoq Jonas Fievé
apriilip 14-at 2016 05:30
Nutserisoq Simon Uldum -

Nunarput tamakkerlugu kulturikkut ingerlatsisoqarnissaa sunngiffimmilu sammisassaqartitsisoqarnissaa Naalakkersuisut pingaarnertut akisussaaffigaat, kommunalbestyrelsillu suleqatiginerisigut pitsaasunik atugassaqartitsisoqarnissaa sulissutigissavaat.

Tamatuma kingorna innuttaasut peqqissusaat sammineqassaaq, Inatsisartummi inatsit timersornermik siuarsaaviusussaq oqaluuserissavaat. Ataasiakkaat peqqissuunerat, atugarissaarnerat aamma timikkut, tarnikkut inuuniarnikkullu ineriartornerisa unammillersinnaanerisalu nukittorsarneqarnissaat siunertaralugu timersornermik siuarsaassaaq, tassunga ilanngullugu unammilluni timersornermik timigissarnermillu siuarsaassalluni.

Kingullertullu 2015-imut ilassutissatut aningaasaliissutinut inatsisissatut siunnersuut oqaluuserineqassaaq.

Aamma atuaruk

Politikki

Inatsisartuni oqallittoqangaatsiareersorlu naalakkersuisut aniguisut

Politikki

Naalakkersuisut: Aalisarnermut inatsisissaq inuiaqatigiinnut piujuartitsinissamullu qulakkeerinnissaaq

Inatsisartut aalisarnermut inatsisissaq pikkunartumik oqallisigigaat