Inatsisartuni ullormut pisussat
Ataatsimiinneq aqqanernut aallartippat peqqissutsimut naalakkersuisoq Doris Jakobsen apeqqarissaartoqassaaq.
Tamatuma saniatigut immikkoortut 15-it oqaluuserisassani sammineqassapput.
Ilaatigut innuttaasut akiitsullit akeqanngitsumik ilisimasalinnik siunnersorneqarsinnaanerat, folketingemut qinersisoqarnerani kalaallit Danmarkimi ilinniagaqartut, folketingimut qineqqusaartunik qinersilersinnaanerannit allannguutissatut siunnersuut sammineqassalluni. Siunnersuut qinngornernik ulorianartulinnit eqqagassanik isumannaatsumik, nunarsuarmi tamarmi isumaqatigiissut najoqqutaralugu isumannaarsisarnissaat kiisalu Naalakkersuisut mittarfiit takissusaat pillugit oqallisigineqassapput.
Minnerunngitsumillu Inatsisartut tullissaanut ataatsimiinnissaannut aappaagu upernaamut piffissaliunneqartussaq.