Inatsisartuni ullormut pisussat
Aningaasaqarnikkut ingerlatsineq pillugu nalunaarut 2015 siulliullugu saqqummiunneqassaaq, Aningaasaqarnermut Aatsitassanullu Naalakkersuisoq Andreas Uldum saqqummiussisuussalluni.
Ilassutitut aningaasaliissutissanut inatsisissatut siunnersuut
Taamaalereerpat Naalakkersuisut 2014-imut ilassutitut aningaasaliissutissanut inatsisissatut siunnersuutaat Andreas Uldumip saqqummiutissavaa, taamaalereerpallu Inuussutissarsiornermut, Suliffeqarnermut, Niuernermut Nunanullu allanut Naalakkersuisup Vittus Qujaukitsup nunami sumiiffinni immikkut toqqakkani takornariartitsinermik inuussutissarsiornissamut akuersissuteqartarneq pillugu inatsimmut allannguutissatut siunnersuut saqqummiutissavaa.
Kullorsuarmi timersortarfiliornissaq Aatsitassarsiornermilu Aningaasaateqarfik
Partii Naleqqap siulittaasua Hans Enoksen taava inatsisissatut siunnersuut saqqummiutissavaa, Kullorsuarmi timersortarfiliornissamik Naalakkersuisut 25 millionit koruuninik immikkoortitsinissaannut peqquneqarnissaannut inatsisartut aalajangiiffigisassaattut siunnersuut Partii Naleqqap siulittaasuata saqqummiutissammagu.
Inuit Ataqatigiillu sinnerlugit Inatsisartuni ilaasortap Naaja Nathanielsenip Aatsitassarsiornermi Aningaasaateqarfik pillugu oqaluuserissatut siunnersuutai katillugit pingasut Inatsisartut upernaakkut ataatsimiinneranni ullut ataatsimiiffiusussat aqqarnanni pilersaarutit naapertorlugit naggasiutigalugu oqaluuserissavaat.
