Inatsisartuni ullormut pisussat
Inatsisartuni pisarnertut pingasunngornermi apeqqarissaartoqassaaq. Tamatumuuna pinngortitamut, avatangiisinut inatsinillu atuutsitsinermut naalakkersuisoq, Mala Høy Kúko apeqqarissaarfigineqassalluni.
Allattoq Inge S. Rasmussen
oktobarip 21-at 2015 05:03
Nutserisoq Kerté Jeremiassen
Ullormut oqaluuserisassat ilagaat Nukissiorfiit aalisakkerivinnut akikinnerusumik innaallagissamik imermillu
akigitittagaasa allanngortinneqarnissaat, ilaatigut Nuummi innuttaasunit akilersorneqarmata.
Taarsiullugu innaallagissamik imermillu atuisut tamarmiullutik aningaasartuutit akikinnerusumik agguaattalissagaat siunnersuuteqartut Atassummeersut, Steen Lynge aamma Siverth K. Heilmann isumaqarput.
Tamatuma saniatigut qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat nutaaq oqaluuserineqassaaq. Inatsimmi nutaami maleruagassat maanna atuuttut nutarsarneqassapput uumasullu atugarissaarnissaat qulakkeerniarneqassalluni.
