Inatsisartuni ullormut pisussat
Inatsisartut ulloqeqqanut unikkallassapput, ataatsimiinnertillu nalunaaqutaq ataatsimut nangissallugu.
Ualikkut oqaluuserisassani Inatsisinut atuutereersunut sisamanut allannguutissatut siunnersuutit siullermeerlugit oqaluuserineqassapput.
Tarnimikkut nappaatilinnik kiffaanngissusiiaaneq allatigullu pinngitsaaliissummik iliuuseqarneq pillugu inatsit
Tarnimikkut nappaatilinnik kiffaanngissusiiaaneq allatigullu pinngitsaaliissummik iliuuseqarneq pillugu Inatsisartut Inatsisaata allanngortinnera pillugu Inatsisartut inatsisaat siullermeerlugu oqaluuserineqassaaq. Allannguutissatut siunnersuutigineqartuni tarnimikkut nappaatillit inatsisitigut inissisimanerat nukittorsarniarneqarlutik. Ilaatigut pinngitsaaliissummik katsorsarneqarnermi eqqarsarfissinneqarneq, Napparsimasunut siunnersortinik atorfinitsitsisarnermi aalajangiinissamut pisinnaatitsineq, Maalaaruteqartarneq eqqartuussivilersuussisinnaanerlu oqaluuserineqassallutik.
2016-imi akileraarutitigut ilanngaatissatut siunnersuutit
Ualeru oqaluuserisassat aappaattut Inatsisartut siullermeerlugu oqaluuserissavaat 2016-imi akileraarutitigut ilanngaatissatut siunnersuutit, tassanilu oqaatigisinnaavarput inummut ilanngaat ukiumut 48.000 koruuniusoq allanngortinniarneqanngimmat. Ilanngaat aalajangersimasoq ukiumut 10.000 koruuniusoq aamma aningaasarsiat B-t akileraaruteqaataasussaanngitsut ukiumut 5.000 koruuniusut allanngortinniarneqanngimmata. Aamma taamaallutik killilimmik akileraartussaatitaasut ilanngaataat ukiumut 1.000 koruuniusoq kiisalu Kommuninut ataatsimut akileraarut 6 procentiusoq.
Suliffeqarnermi innersuussisarneq il.il. pillugit inatsit
Ullumi oqaluuserisassanut ilaavoq suliffeqarnermi innersuussisarneq il.il. pillugit Inatsisartut inatsisaata nr. 5, 8. juni 2014-imeersup allanngortinnissaa pillugu siunnersuut.
Inunnik scannerilluni misissuisinnaalernissaq
Nioqqutissanik eqqussuineq annissuinerlu pillugit Inatsisartut inatsisaata allanngortinneqarnissaanik siunnersuut oqaluuserisassani kingulliussalluni.
Timmisartuutileqatigiiffiit ilaasui pillugit paasissutissat atortutigut elektroniskiusutigut takuneqarsinnaanissaat akitsuuserisullu inunnik scannerillutik misissuisinnaanissaannut tunngasut tassani pineqarlutik.