Inatsisartuni pingasunngornermi pisussat
Taamaalereerpat eqqumiitsuliornerup inuussutissarsiutitut, siunissamilu nunatsinni, nunattalu avataani niivernikkut tunisassiatut, nunattalu avammut nittarsaanneqarneranut iluaqutaanerulersinneqarnissaa pillugu Peter P. Olsenip, Inuit Ataqatigiinneersup, Naalakkersuisunut apeqquteqaat aallaavigalugu oqallisissiatut siunnersuutaa siulliullugu oqaluuserineqassaaq.
Naalagaaffinngornissamut kissaatip, kiisalu Kalaallit Nunaata Savalimmiuniit Danmarkimillu Naalagaaffeqatigiinnerata qanoq iliorluni pitsaasumik oqimaaqatigiinissaasa qularnaarnissaat pillugu apeqquteqaat aallaavigalugu oqallinnissamik siunnersuut taava oqaluuserineqassaaq, Demokraatit siulittaasuata Randi Vestergaard Evaldsen uani saqqummiisuussalluni.
Kinngulliullugu ullumi oqaluuserineqartussaq tassaavoq Naalagaaffiit Peqatigiit Nunarsuarmi piujuaannartitsineq tunngavigalugu ineriartortitsinissamut angunigagai Nunatsinni ineriartornermi Naalakkersuisullu sulinerannut qanoq ilanngunneqarnissaannik Inatsisartut oqallinnissaannik Inuit Ataqatigiinneersunit siunnersuut kingullertut oqaluuserineqassaaq.
Inatsisartut ataatsimiinnerat KNR-ikkut toqqaannartumik aqqanermiit malinnaavigineqarsinnaassaaq.