Enoksen: Immikkut akuersissuteqartarnerit unitsissapput
Umiarsuarmi 24 meterinit takinerusumi inuttaasut 60 procentii tassaassapput ukiuni marlunni kingullerni Kalaallit Nunaanni inuit allattorsimaffianniissimasut. Naluaarummi 2011-meersumi taama allassimasoqarpoq. Angallatilli immikkut akuersissummik pisarnerat pissutigalugu taamaattoqartuaannanngilaq.
Tamanna tamaanga killeqartariaqartoq aalisarnermut piniarnermullu naalakkersuisoq Hans Enoksen isumaqarpoq.
- Nalunaarutit atuuttut atornagit immikkut akuersissuteqartuaannarsinnaanngilagut, nunani allamiut kalaallit aalisariutaanni sulisussarsiarineqartittarlugit, naak nunami inuusuttut sulisinnaasut aalisariutini sulisorineqarsinnaagaluartut, Enoksen taama tusagassiuutinut nalunaaruteqarpoq qulequtsersimasaminik "Inuttat kalaallit piumaneruagut".
Imaappoq: Enoksen isumaqarpoq sulisinnaasut angallatinut inuttanngornissaminnut utaqqiinnartut. Sulisitsisulli peqatigiiffiata nassuiaataanut nassuiaat taanna naapertuutinngilaq.
Sulisitsisummi qanittukkut KNR-ikkut oqaluttuaraat Nunatsinni illoqarfinni suliffinnik tiguseriaannarnik suliffissaaleqisoqanngitsoq.