Immiaaqqat nunatsinneersut Danmarkimi nioqqutaalersut
Immiaaraq Kalaallit Nunaanneersoq maanna Danmarkimi pisiarineqarsinnaalerpoq.
Allattoq Helle Nørrelund Sørensen
aggustip 17-at 2016 11:53
Godthåb Bryghus akuerineqarsimavoq immialiaminik Danmarkimut eqqussinissaminut, danskit aviisii arlaqartut taama allaaserisaqarput.
Godthåb Bryghusip piginnittaa ingerlatsisualu Nicolaj j Nissen tamanna pillugu nuannaarpoq.
- Immiaaraatitta immikkuullarissutigaat imeq maanngaanneersoq sermimik aattuummat kalkeqaranilu taamaalillunilu naliginnaasumik atortakkamit neruminnerulluni, piginnittoq nittartakkamut takeoff.dk-mut oqaaseqarpoq.
Taanna Aalborgimiittumi Sigurd Müller Vinhandelimi taamaallaat aallaqqaammut pisiarineqarsinnaavoq.
- Nunanut allanut tuniniaanermi taanna aallarniutigalugu ajunngitsuusoq Nicolaj j Nissen oqarpoq.
