Immap naqqatigut kabeli tallilerneqalersoq

Franskit umiarsuaata, Ile De Seinip, immmap naqqatigut kabeli 680 kilometerisut isorartutigisoq atorlugu kabeli pioreersoq, Greenland Connectimik taaguteqartoq, Nuummiit, Maniitsoq Sisimiullu aqqusaarlugit, Aasiannut ilalerpaa.

Immap naqqatigut kabeli marlunngornermiit Aasiaat tungaannut ingerlanneqassaaq.

Franskit umiarsuaata, Ile De Seinip, immap naqqatigut kabeli 680 kilometerisut isorartutigisoq atorlugu kabeli pioreersoq, Greenland Connectimik taaguteqartoq, Nuummiit, Maniitsoq Sisimiullu aqqusaarlugit, Aasiannut ilalerpaa.

- TELE-POST-imi annertuunik pilersaaruteqarpugut. 2020-mi innuttaasut 92%-iisa Nuummisut Qaqortumisullu internetimik pitsaatigisumik peqalersinnaassapput. Imaatigut kabelip ilaneqarnera suliamut tassuunga ilaalluinnarpoq. Maanna umiarsuaq nunatsinnut pivoq kabelilu avannamut immap naqqanut ilineqarsinnaanngorluni tamannalu pisoq pingaaruteqarpoq, pisortaaneq Kristian Reinert Davidsen oqarpoq. 

Taanna franskit umiarsuaat immap naqqatigut kabelimik Nuummiit Aasiannukaassisussaq tallimanngornermi aggustip aqqarngani alakkarpaa. Suliallu qaammatini aggersuni qanoq ingerlanissaa pillugu oqaluttuunneqarluni. 

- Immap naqqatigut kabelip pioreersup ilaneqarnera sapaatit akunnerisa tullianiaallartissaaq, maannakkut taanna Qaqortumut aamma Nuummut ingerlavoq. Suliaq qaammatinik marlunnik sivisussuseqassaaq, pisortaaneq allappoq.

Immap naqqatigut kabeli ilaneqareerpat Grenland Connect kabeli katillugit 5.278 kilometerinik isorartussuseqalissaaq.

Immap naqqatigut kabeli pissutaalluni TELE-POST 2017-imi decembarimi internetimut atuisuuffinnik nutaanik tuniniaasinnaalissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat