Ukioq manna assilisatsialak Immap iluani assilisaq Tasiilameersoq ajungaavoq

Assimut tinguartinnissaq ajornanngittuarasuuvoq, taartoq, nillertoq immikkullu misigisimaneq isigisamut tinguaasinnaammat.

Asseq alutornartumik takusassartalik takuneqarsinnaavoq, sikumit immap qaavaniit meterinik arlalinnik itissuseqartumi, Tasiilap eqqaani arferit saarngi immap naqqaniittut misissuiffiginiarlugit assilineqarsimasumi.

Svenskeq assiliisartoq, Alex Dawson, Tasiilap avataani immap iluani assiliisimasoq, ukioq manna assilisarinnerpaatut ajugaasuuvoq ”Underwater Photographer of the Year 2024”.

Tasiilap imartaani arfanniartarnerup misissuiffiginerani, qaqutigoortumik assilineqarsimasumi arferup, pilanneqareernerata sinnerisartangaa takuneqarsinnaavoq.

- Immap ulinnerani arfattarineqarsimasut, tinikkiartornera atorlugu sissamut tipitinneqartarput, ilaqutariippassuillu arfeq pilattarpaat, mattaa neqaalu tamarmik atorluarneqarlutik. Tinikkiartulernerani arferup sinnera immap naqqanut sisusarpoq, aalisakkat allallu immap naaqaniittut uumasut, arfermit sinnerussimasut saarngi kiserngorullugit nunguttarpaat, assip oqaasertaani taama allaatigineqarpoq.

Asseq ajungaasoq 6.500-t assit akornanniit toqqarsimavaat, naliliisartoqatigiinni siulittaasoq Alexander Mustard oqarpoq, nammineq aamma immap iluani assiliisartuuvoq siusinneruukkullu immap pissusaanik biologiusimavoq.

- Assimi takutinneqartut arferit allallu uumasut, inunniit qanoq sunniuteqarfigineqartarnerata annertussusaa pillugu, assip takutitaata nalilersuiffigineqarnerani isumaliutigaarput. Inuit takkunneranniit uumasut nujuartut 85 procentimik kinguariartupiloorsimapput, taanna tusagassiuutinut nalunaarummi allappoq.

Tikaangulliup ammassat oqummiutilerai, assiliinermi unammisuni toqqangassani "pissusilersorneq"-mik taaneqartumi ajungaavoq. Assi © : Rafael Fernandez Caballero/UPY2024

Ataatsimut isigalugu arferit assilineqarsimasut nuannarineqartupilussuupput.

Spaniamiu assiliisartoq Rafael Fernandez Caballero immikkoortunut marlunnut immikkoortunut marlunnut ajugaatinneqarpoq - "Pissusilersorneq" aamma arferullu "assinga"-nik assiliinermi.

Arfeq Gråhvalimik danskisut taaneqartartoq, isaatigut toqqarlugu assilisaq ajungaasunut ilaavoq. Assi © : Rafael Fernandez Caballero/UPY2024

Nunarsuup ilaanit immap iluani assilisat 

Assiliinermut unammisitsineq "Underwater Photographer of the Year" 13-it immikkoortunut 13-inut akuerisaasunut agguarneqarsimavoq, tassalu tasersuit, kuuit, qaarusunni imaluunniit naluttarfinni assilisanut.

Thailandimi aapakaamit makakamik taaneqartartoq Phi Phi-qeqertami assilineqarsimasoq normu 3-nngorpoq. Assi © : Suliman Alatiqi/UPY2024

Assit nunarsuarmit tamarmeersut tamarmit takuneqarsinnaapput - soorlu Kalaallit Nunaat aamma Svalbard, kiisalu Bahama, Thailand Mexicolu.

Mahi-maihimi aalisagaq Mahalena Bayimi Mexicomi Magdalena Bayimi ingerlaartartoq immikkoortumilu "Up & Coming" immikkortuani ajungaasuuvoq. Assi © : Lisa Stengel/UPY2024

Assigiinngitsunik imaqarlutillu qalipaaterpassualinnik assilisarpassuaqarpoq.

Australiami assiliisartup Talia Greisip qallisillugu assilisimasaa "immap hiistia". Assi © : Talia Greis/UPY2024

Naak assit tamarmik imaanut tunngasut uumasortallit qaqinneqaraluartut pinngortitaq kisimi kajungernartuunngilaq, inuit inuillu kingunerisartangaat erseqqissarneqarput.

Assi immap iluani sakkutooqarnikkut atortut katersugaasiviannik taasami, Jordanimiittumi assilineqarsimavoq. Assi © : Martin Broen/UPY2024