Imigassartorsimagunarluni biilertoq: Angut billertilluni ajutoortoq

Angut 30-t sinnerlugit ukiulik Nuummi Eqalugalinnguit nalaanni unnuaq biilertilluni ajutoornermi qujanartumik annertunerusumik ajoqusinngilaq.

Kalaallit Nunaanni politiit pigaartuisa pisortaat Mark Larsen taama ilisimatitsivoq.

Biilit Nuummi Eqalugalinnguit nalaanni ullaassaq nalunaaqutaq tallimanut tanneq qulingiluat missaanni ajutoorput, allanillu ilaasoqaratik.

- Imigassartorsimatilluni biilinik ingerlatsisimarpasippoq. Aaversinnikkut tamanna paasinarsiumaarpoq, Mark Larsen oqarpoq, imigassartorsimallunilu biilinik ingerlatsisimasutut pasineqaannanngitsoq ilisimatitsissutigalugu.

Angummi pineqartoq biilinik ingerlatsisinnaanissamut akuersissuteqanngitsoq aamma paasineqarmat:

- Biilinik ingerlatsisimasussaanngikkaluarpoq, politiit pigaartuisa pisortaat oqarpoq.

Angut tigusarineqarpoq, aaversillunilu, kingornalu iperagaalluni. Aaversinnermi inernerit sapaatit akunnerisa marluk ingerlaneranni paasinarsiumaarput, angullu unnerluutigineqasanersoq paasinarsiumaarluni.