Danmarkimit, Finlandimit, Norgemit Sverigemillu inuit 7000-ngajaat 18-it 64-illu akornanni ukioqartut misissuiffigineqarput.Assi: Fort George G. Meade Public Affairs Office/flickr

Imigassamik atornerluineq qanigisaasut peqqissusaannik innarliisartoq

Imigassamik atornerluisumut qanigisaasut allanut sanilliullutik peqqiinnerupput. Tamanna uippakajaarnermik peqquteqartoq, ilisimatooq misissueqataasoq isumaqarpoq.

Danmarkimi angutit quliugaangata taakkunannga ataaseq aamma arnat 20-ugaangata taakkunannga ataaseq imigassaq pissutigalugu toqusartut misissuisitsinermi nutaami missiliuunneqarpoq. Imigassamilli atornerluisut kisimik eqqugaaneq ajorput.  

Imigassamik aalakoornartortalimmik pinngitsuuisinnaanngitsunut qanigisaasut innuttaasunut allanut sanilliullugit peqqiinnerusarput.

Nunani avannarlerni misissuinermi Aarhusip Universitetip aanngajaarniutit pillugit ilisimatusarfianit siulersorneqartumi tamanna erserpoq.

Danmarkimit, Finlandimit, Norgemit Sverigemillu inuit 7000-ngajaat 18-it 64-illu akornanni ukioqartut misissuiffigineqarput.

Aviisi Kristieligt Dagblad taama allappoq.

Professori: Aatsaat ilisimaneqalerpoq

Inoqutigiit imigssamik aalakoornartortalinnik pinngitsuuisinnaanngitsunik ilaqartut imigassamik pinngitsuuisinnaanngitsunik ilisarisimasaqanngitsunit peqqiillioqqajaanerunissamut 40 procentimik qaninnerupput.

AAMMA ATUARUK Aliasunneq nunatsinni ajornartorsiutinik pingaarnersiuinermi allerpaamiittoq

Tamanna aatsaat ilisimaneqalertoq, aanngajaarniutit pillugit ilisimatusarfimmi professori misissueqataasorlu Kim Bloomfield oqarpoq.

- Imigassartorsimatilluni persuttaasoqartartoq, ingammillu qanigisaasuni meeqqat arnallu tarnikkut aningaasaqarnikkullu eqqugaasartut ilisimaneqareerpoq. Qanigisaasulli peqqissusaannik aamma innarliisartoq innuttaasunik misissuinitsinni ersermat aatsaat ilisimaneqalerpoq, taanna Kristeligt Dagbladimut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat