IMAK: Ilinniartitaaneq ukkatarineqarneruniarnera nuannaarutigaara
- IMAK-imi siulittaasutut nuannaarutigalugu nalunaarutigissavara Naalakkersuisut nutaamik inissitsiternerisigut Ilinniartitaanermut, Kultureqarnermut Ilageeqarnermullu naalakkersuisoqarfinngornera IMAK-imi siulersuisut peqatigalugit tapersersoratsigu, IMAK-imi siulittaasoq Birthe Møller Therkildsen ullumi taama allappoq.
Nutaami naalakkersuisooqatigiittoqalermat Ane Lone Bagger Ilinniartitaanermut, Kultureqarnermut ilageeqarnermullu naalakkersuisutut ingerlaannarpoq, nunallu allanut naalakkersuisuuffikua Steen Lyngemit maanna naalakkersuisuuffigineqalerpoq.
IMAK-ip sinniisoqarfiani kingullermi ataatsimiittoqarnerani oqariartuutigineqarpoq ilinniartitaanermut tunngasoq akisussaaffik ukkatarineqarnerusariaqartoq Birthe Møller Therkildsen oqarpoq.
- Ammaanersiornermi oqalugiaatinni oqaariartuutigigakku kissaatitta annersarigaat Ilinniartitaaneq taamak pingaaruteqarluinnartigisoq akisussaaffinnik annertuunik allanik ilaqartariaqanngitsoq, soorlu nunanut allanut tunngasut.
- Tassami ilinniartitaanerup allangortinneqarnissaanut suliaq ingerlaleruttorpoq. Naggataatigullu oqaatigerusuppara suliamut annertuumut siulersuisullu suleqataannissarput qilanaarigatsigu, Naalakkersuisorlu angusaqarluarnissaanik kissaallugu, IMAK-imi siulittaasoq allappoq.
AAMMA ATUARUK Sulisitsisut IMAK-ilu atuarfinnik ataatsimut sulissuteqarusuttut