Politiit ikiorneqarnissaminnik kissaateqarput: Ilulissani pineqaatissinneqarsimasunut inissiisarfimmit qimaasoqartoq
Nutarterneqarnera: Ilulissani innuttaasup politiinut saaffiginninnerata kingorna, pinerluuteqarsimasunut inissiisarfimmit qimaasoq politiinit tigusarineqarpoq pinerluuteqarsimasunullu inissiisarfimmukkaanneqarluni. Ujaasineq taamatinneqarpoq, ujaarineqartullu assingi atialu allaaserisami peerneqarlutik.
21-nik Ilulissani pineqaatissinneqarsimasunut inissiisarfimmi tigummigallagaasoq tallimanngornermi unnukkut qimaasoq politiinit ujarneqarpoq.
Kalaallit Nunaanni politiit tugassiuutinut nalunaaruteqarlutik taama allapput.
angut 21-nik ukiulik anstaltimit ippassaq unnukkut nalunaqutaq 20:49 qimaavoq.
Taassuma assilineqarnera politiinit tusagassiorfinnut nassiunneqarpoq.
Pineaqartoq 175 centemeterisut angissuseqarpoq. Kingullermik takuneqarami qasertumik teqqialimik nasaqarpoq, qernertumik jakkeqarluni, kavaajasamillu nasartalimmik tungujortumik taartumik qalipaatillimik atorluni. Qarliilu jogginngit Adidasimik meqqilllit tungujortut atorpai, ateraasallu sneakersit qasertut atorlugit.
Ujarineqartup sumiiffigisinnaasaanut paasissutissat tamarmik politiit paaserusuppaat.
Kalaallit Nunaanni politiit attavineqarsinnaapput oqarasuaammut 70 14 48-mut.
Politiit tusagassiuutinut nalunaaruteqarnerminni erseqqissaatigaat, ujaarineqartup sumiinneranik isertuussisut arlaatigulluunniit ikiuisut pineqaatissinneqarsinnaammata.