Ilulissani mittarfiup tallinissaa pisariaqartinneqarpoq
Aamma Qaassuitsup Kommuniani kommunalbetyrelsemi ilaasortaq, Bendt B. Kristiansen, Inuit Ataqatigiinniit mittaarfiit tallinissaat kissaatigaa.
- Naalakkersuisut mittarfiit pillugit pilersaarutaat isumaqatigivara. Qaasuitsup Kommuniani aammalu nunatsinni aningaasaqarnikkut ineriartoqqinnissaq pisariaqartilluinnarparput, periarfissatsialaavorlu takornariaqarnikkut annertusaaneq aqqutissaasoq.
Aamma atuaruk Asii kommunip soqutigisai partiimi soqutigisaanit salliutinneruai
Naluneqanngilaq Qaasuitsup Kommuniani aningaasatigut ajornartorsiorneq qaangeruminaatsinneqartoq suli, maannamullu isertitassanik nutaanik takkuttoqanngippat ukiuni aggersuni suli aningaasaqarnikkut ilungersunartorsiorneq piujuassoq taanna isumaqarpoq.
- Taamaattumik mittarfeqarnikkut inerisaanissaq avaqqunneqarsinnaanngittutut isingaara. Ilulissat mittarfiata allilerneqarneratingut minnerpaamik Diskobugt-imi, aammalumi nunatsinnut tamarmut ineriartorneq malunnaatilimmik tunngavissinneqartussaasoq upperaara.
Aamma atuaruk Mittarfiit tallilerneqarnissaat IA-p akerleraa
Nunatta aningaasaqarnerata ineriartortinnissaa salliunneqassasoq Bendt B. Kristiansen kissaatigaa.
- Illoqarfiit sorliit mittarfeqartariaqarnerannik mittarfeqartariaqannginnerannilluunniit pagganneq unittariaqarpoq, salliusariaqarpoq nunatta aningaasaqarnikkut ineriartuutigisinnaasai salliutillugit oqallinnissaq aalajangernissarlu.
